Nordanger gardsmuseum på Radøy

Nordanger gardsmuseum var siste arrangement ut i dei 20. kystsogevekene, Kystsogevekene 2016, 18. september var den gamle skulestova open.

Etter eit besøk på Radøy ridesenter gjekk turen videre frå Mangerområdet til Nordanger. Langs Radøyvegen ligg to generasjonar nedlagde Gamle Nordanger skule, den nyaste er i dag Nordanger grendahus, medan den litle kvite stova er Nordanger gardsmuseum.

Nordanger gardsmuseum er i den gamle skulen som opprinneleg vart bygd ein annan stad på Nordanger i 1864, men vart flytta dit den står i dag i 1884. Den vart då også utvida med kammers og loft som bustad for læraren.

I 1912 vart skulen nedlagt og bygninga vart brukt som bedehus fram til 1980, og det sto etter det tomt og til nedfalls fram til 1998.

Noværande eigar Johannes B. Birkeland overtok huset av kommunen i 1998, og har sidan det sett det i stand, og samla inn ei rekkje gjenstander knytt til skule, kvardagsliv, fiske, skomaking, bedehusliv og mykje anna.

Vi hadde ein fin oppleving, og fekk ein lang prat med eigaren, som fortalte oss om historien til bygningen, om gamle dagar, om ulike gjenstansgrupper og gav oss mykje lærdom.

Kvar einaste gjenstand i det litle, men fulle huset har si fortelling, og her kan ein nytte rikeleg med tid, og her er mykje å lære. Tusen takk for oss!

Nymåla stove

Om du ønskjer omvising kan du ta kontakt

Flaskesamling i vindauget

Verktøysamling frå ein skomakar

Kaffikanner og utstyr frå tida då bygningen vart nytta som bedehus

Bøtter og kar av ulikt slag

Velbrukte sko ved skomakeren sitt utstyr

Her er også ei mengde utstyr knytt til fiske

Nokre slekstbilete på veggen. Mange av gjenstandane er frå eigar sin slekt, og er skaffa på ulikt vis. Dei fleste har sin eigen historie.

Skilt over døra

Hester og høns på Radøy ridesenter

På Kystsogevekene sin siste dag i år var det Åpen gård på Radøy ridesenter på Søndre Solend ikkje langt frå Manger. 

På Radøy ridesenter er det både hestar, hunder, høner og kaniner. Gjennom året har dei rideskole tre kvelder i veka, og tilbyr også enkelttimer, tilrettelagt riding, turar, helgekurs og rideleir med og uten overnatting – og dei har Åpen gård i blant. Rideskulen har hatt open gard fleire år i Kystsogevekene, det var kjekt å endeleg få tatt turen, og sjå og oppleve garden sjølv.

Dagleg leiar hadde som ho så ofte har, med seg delar av familien på arrangementa. Dette er særleg kjekt og nyttig dersom ein skal på eit familiearrangement, og det er aktivitetar og opplevingar for barn, då kan ein ta del i arrangementet slik andre er med, og kan få utbytte og nytte av det slik som publikum har. Niåringen er etterkvart ein rutinert deltakar på Kystsogearrangement, og likte tanken på å vere med å sjå og kan hende få ride på hest. Det var litt skummelt i starten, for hesten er stor, men etter ein stund til å tenke og mote seg opp var han klar – og det vart stas!

Det hadde vore litt ujamnt med folk på besøk på garden denne dagen, det brukte også å variere frå år til år. Då vi var det mot slutten av opningstida var det berre nokre få andre som også ville ride, men Radøy ridesenter sine egne bilder fra åpen dag i september viser at det også var ein god del folk der gjennom dagen.

Etter ein liten ridetur på bana fekk vi ein hyggeleg prat med vertskapet og smakte både på vaflar med syltetøy og heimelaga saft. Vi måtte sjølvsagt også helse på hunden på garden, og ta ein kikk på dei flotte og fargerike hønene.

Tusen takk for oss!

Ridebana på Radøy rideskule

Ivrige ryttarar – for enkelte var det ikke nok med ein runde. Ungane vart trygt ført rundt på grusbana

Stolt gut når han endeleg vågde seg opp på hesten

Flotte høner

Eggquiz

Utstilling på Vedholmen Galleri

Vedholmen Galleri ligg i Søre Øyane, i Røttingavegen 23, på Lepsøy. Kvart år brukar det å vere ei utstilling i løpet av Kystsogevekene. I 2016 var det seperatutstillinga Periskop med Line Hvoslef sine måleri.

Nå er Kystsogevekene for lengst over, men vi var innom heilt i slutten av utstillingsperioden til Periskop. Her vart vi godt tatt i mot av Vibeke Harild som står bak galleriet.

Vedholmen Galleri har fått ny galleributikk og har kunstutsal, i tillegg til ei rekkje utstillingar i løpet av året, dei har

No er det straks slutt for utstillinga Oppspenn med separatutstilling med skulpturer/mobiler av Reinhard Haverkamp som etterfulgte Line Hvoslef sin Periskop.

Laurdag 5. november er det klart for Kollektiv juleutstilling med galleriets eigne kunstnarar innen måleri, grafikk, skulptur og keramikk samt gjestekunstner Zeljko Uremovic, Kroatia, som viser ei separatutstilling med måleri i intimgalleriet. Her kan du kjøpe vakre og særprega julegåver, og samtidig få ein flott tur i vakkert omland i Søre Øyane i Os.

Pressedekning av utstillinga på Vedholmen Galleri:
www.midtsiden.no/hvoslef-tilbake-pa-vedholmen
osogfusa.no/maritim-verdspremiere-pa-vedholmen-galleri

Kommande program i galleriet 

Peter Maron sine kjeramiske skulpturar

Galleridøra open og ønskjer velkommen inn

Oselvarane til Peter Marron i fleire storleikar

Ei stor, lita fiskeskøyte

Frå Line Hvoslef si utstilling Periskop

Frå galleributikken

Vedholmene Galleri ligg på Lepsøy i særs maritimt miljø

Vedholmen Galleri starta først opp i overetasjen på butikken på Vedholmen

Vedholmen som er arena for dei årlege opningane av Kystsogevekene i Os

Kvalfangst i Sveio

Søndag 11. september inviterte Sveio kystlag til temadag om Kvalfangst i Kysttunet ved Auklandshamn. 

Sveio kystlag brukar å vere aktive samarbeidspartnarar for arrangement i Sveio i Kystsogevekene, men denne gongen ønskte dei å gjere noko sjølv også. Tema Kvalfangt engasjerer mange i kystlaget, og dei er kjent for å ha kvalkjøtt med når dei deltek på arrangement.

Sjølvsagt var det kvalkjøt med i bildet på dette arrangementet også – midt i tida søndagsmiddagen, og då vart det kvalgryte, sjølvsagt! Eg rakk akkurat tidsnok til  å meg ei tallerk med den deilige kvalgryta som Sveio kystlag hadde laga. Etterpå var det også sjølvsagt tradisjonell plommekompott til dessert, og kaffi med kaffimat.

Det er ikkje fleire aktive kvalskuter igjen i Sveio, og fast leverandør av kvalkjøt til Sveio kystlag er kvalfangaren frå Fedje, Oddvar Nilsen Husa, som også vart invitert til Sveio og for å fortelje litt om kvalfangst, og det å vere kvalfangar også gjennom ei tid med mykje internasjonal motstand. Oddvar Husa var første gong ute på fangst i 1958.  Han har fangsta i Barentshavet, Jan Mayen, Aust-Grønland, felta rundt Shetland/Orknøyane og i Nordsjøen. Her fekk vi artige anekdoter og fortelling om dramatikk og kvalfangtmotstandarar.

Etter Oddvar Husa sitt innlegg fekk vi sjå film frå då ein av dei lokale kvalfangarane var med på kvalfangst med Husa sin båt, for mange år sidan. Då fekk vi sjå levande bilete frå korleis fangsten gjekk føre seg, og fortelling og forklaring på kva vi såg – spennande og interessant!

Det var også tid til å ta seg ein runde opp for å sjå kystlaget si biletutstilling av lokale båtar, og få høyre litt og prate litt omkring desse. Mange hadde kjenskap til forskjellige båtar og mannskap, og praten gjekk livleg.

I kjellaren har kystlaget ein samlig gjenstandar, som ei museumssamling av forskjellig som er knytt både til fiske og kvardagsliv. Vi fekk sjå oss omkring der.

Tusen takk til alle i Sveio kystlag for ein kjekk, interessant og lærerik temadag om kvalfangst! Kjekt å sjå lokala dykkar!

Les meri om Kvalfangst i Kyst-Norge
Sveio kystlag sin facebookpost om arrangementet

Sveio kystlag sitt Kysttun ligg på Eikeland

Kvalfangeren Oddvar Nilsen Husa fortalte om kvalfangarlivet

Etterpå vart det vist film

Biletsamling med kvalfangarbåta frå Sveio

Kort informasjon med kva som skjedde med båtane

Før i tida var det mange fangstbåtar, i dag er det berre kring 20 igjen i heile landet

Museumssamling i kjellaren

Gjenstandar frå kvardagsliv på gard og fiske

Omvising i samlinga

Eit av kjellarromma er i ferd med å verte innreda som ein båt

Klubbhuset

Utstillingar på Galleri Rustica

Galleri Rustica brukar å ha utstillingar og arrrangement i løpet av Kystsogevekene, det hadde dei i år også. Vi tok turen laurdag
10. september.

I år har Galleri Rustica på Holmeknappen i Meland 10 års jubileum, og dei markerte det med fleire utstilingar, mellom anna ei utstilling som viste utvalgte bilete frå mange av dei som har stilt ut her gjennom alle desse åra.

Utstillingane under Kystsogedagane i Meland og resten av Kystsogevekene var mellom anna med Nordhordland kunstlag sine bilete, og Jubileumsuttillinga 10×10 kunstverk med over 50 utstillarar. Kunstlaget tok bilete frå utstillingsopninga. Det var også ei eiga temautstilling om havet tar og gjev tilbake i utstillingslokalet Floren. Der var det også film frå då stormen Nina herja.

Leif Johnsen og Anne S. Johnsen er også engasjerte i Ullveka som vert markert i Hordaland og Rogaland i slutten av oktober, med eit rikhaldig program, med både foredrag, kurs, aktivitetar, strikkekaffi, demonstrasjon av ulike handverk og mykje meir.

Galleri Rustica set opp ny utstilling i samband med Ullveka – Mangfaldige åkler frå Nordhordland, utstilling opnar 22. oktober og vil stå til 30. oktober.

Tusen takk til Leif og Anne for mange flotte bilete og kunstverk å sjå, ein hyggeleg stund og kjekk prat på Holmeknappen!

Holmeknappen – arena for Kystsogedagane i Meland

Løa er ombygd til det rustikke Galleri Rustica

Jubileumsutstillinga

Plakatar og oppslag frå mange av utstillingane gjennom dei siste 10 åra

Sjøbua på Holmeknappen, eit lite lokalt sjøbruksmuseum

Raudlista husflid i Hillesvåg

Lørdag 10. september markerte Nordhordland husflidslag Husflidens dag i Husflidens Hus i Hillesvåg.

Husflidens hus ligg nede ved sjøen i Hillesvåg, Nordhordland husflidslag har salgsutstilling med lokalproduserte husflidsprodukter og servering av kaffe og stompekake. Dei brukar å ha ope laurdager kl 10.00 – 14.00

Lørdag 10. september markerte Nordhordland husflidslag den nasjonale Husflidens dag. Tema for årets markering var Rødlisteteknikker. Nordhordland husflidslag har valgt ut Bregding, roggeband, strikka og flossa hua til herrebunaden frå Nordhordland som sine satsingsområder for å ta vare på rødlisteteknikker.

Denne lørdagen var det som vanleg kafe, handarbeid og drøs, men i  tillegg var det også demonstrasjon i å lage roggeband, spinning og brikkevev med meir. Det var også høve til å få vite meir om desse teknikkane og få seg ein prat.

Sjølv hadde dagleg leiar og mannen med seg eit handverk som også er raudlista, nålebinding, og var open for ein prat om dette. I tillegg fekk vi oss ein lang og god prat om både roggeband, kvithue og andre hovudplagg til bunad.

Sjølvsagt måtte vi som mange andre også ta ein tur inn i Hillesvåg ullvarefabrikk som ligg like ved, her kan ein boltre seg i ull og garn av beste kvalitet, og det er endåtil høve for å få seg ein tur i ullvarefabrikken som også er Economuseum. Ein kan gå gjennom fabrikken i opningstida og sjå produksjonen, eller få omvising dersom ein gjer ein avtale på førehand.

Tusen takk til Nordhordland husflidslag for ein hyggeleg og lærerik Husflidens dag i Hillesvåg!

På veg ned til Hillesvåg

Veving av roggeband, det trengs 12 -15 meter med ferdig vevd band for å få til ei skikkeleg rogge

Roggeband rulla inn på to pølser. I gamle dager vart håret delt i to, og alle metrane med band surra kring, og deretter lagt i krans frå nakke til isse og knytta att i nakken

Nålebinding

Husflid, handverk, kaffi, stompekaker og ikkje minst prat med folk med felles interesser – ein hyggeleg dag

Oster i Osterfjorden på veg heim frå arrangement i Bergen kvelden før

Hillesvåg ullvarefabrikk

 

Solrik søndag i Sandviken

Det var Sandviksdagene lørdag 3. september og søndag 4. september. Vi dro til Sandviken og Bergen kystkultursenter på søndagen. Det var Sandviksdagene i hele bydelen, men for Kystsogevekene var det selvsagt viktigst å få med seg det som hadde med kystkultur å gjøre. 

Det var yrende folkeliv i på hele kystkultursenteret i solen. Små og store båter i all slags fasonger var fylt med glade mennesker, fra kaiakk og robåt, til snekker og den store kutteren Erkna.

Vi hadde lyst til å få oss en tur utpå sjøen i godværet, og fikk være med Erkna utpå Byfjorden. Det var det ganske mange andre også som fikk være med på turen, det var deilig med sjøluft, og kjekt å se Sandviken fra sjøen. Vi gikk både utover i retning Elsero med Gamle Bergen, og til Skuteviken med sjøbodene og cruiseskip ved Bontelabo.

MK Erkna har ein historie knyttet til Nordsjøfarten under Andre verdenskrig, og noe av den fortellingen ble vist og fortalt med plakater ombord i båten.

På land var det et lite marked med salg av diverse håndverksprodukter, det var en bod med gamle maritime gjenstander for salg, det var selvfølgelig kafe, som svært mange hadde benyttet seg av, vi fikk i hvertfall kaffe.

Det var også krabbedam og fiskekum som kystkultursenteret har «arvet» av Fisketorget i Bergen. Det ble også drevet forskjellige håndvert, som å dampe båtbord til å reparere båter, barna fikk prøve seg som smed i smien. Ikke minst var det også en hel rekke båtmotorer som ga fra seg lystige, bankende lyder.

Det var kjekt å rusle rundt på det fine området til Bergen kystkultursenter, vi rakk så vidt en liten snartur innom Fiskerimuseet før de stengte for dagen.

Sandviken Kystlag har også base på Kystkultursenteret, og sammen med Kystkultursenteret i Bergen og Norges Fiskerimuseum står de for Bergen Båtdelering som har båter, både kajakk og robåter til utlån og utleie, ikke bare på Sandviksdagene, men gjennom båtsesongen.

Tusen takk til alle aktørene av lag og foreninger knyttet Kystkultursenteret, og til Norges Fiskerimuseum, Museum Vest som ga oss alle flotte Sandviksdager i år også!

Sandviksdagene på Kystkultursenteret er en av mange aktiviteter som er i bydelen disse dagene, alt satt i sving av kulturinstitusjoner og lokalt kulturliv i Sandviken, og som er støttet av kommunen.

Ut mot Byfjorden

Sandviken motorklubb

Kajakker og Eliasbåten utenfor Fiskerimuseet

I smien

Feisketur

MK Erkna

Gullgraving

Damping av båtbord

Treleker

Motorklubben

Maritimt bruktmarked

Krabbedam

Aktivitetar og tur på Herdla fort

Søndag 4. september var det Aktivitetsdag på Herdla fort, med opplevingar for heile familien. Heile det store området på Herdla fort var tatt i bruk, av museet og ulike lag og organisasjonar.  Sola skein frå klar himmel, og lokka til vandring i spennande landskap, og dørane til fortet sto ope slik at vi kunne utforske hemmelege rom i fjellet. 

Då vi kom til Herdla fort denne flotte søndagen vrimla det alt av folk på heile det store området. Det var hestar som kunne ris og hundar som skulle vise sine kunster, det var taubane, diskogolf og turløype.

Vi fekk raskt med oss at vi kunne rekke eit lite høgdepunkt på dagen, nemleg kanonsalutt kl 12.15. Med kartet i hand la vi ut på vandring langs vegen rundt neset. Vi passerte utstillingshallen GUL 16 der flyet frå andre verdskrig står utstilt, og der det var kafe. Vi rakk ikkje innom denne gongen, her måtte kanonen prioriterast. Askøy Turlag markerte også Kom-deg-ut-dagen, og det var hengt opp rebusoppgåver langs løypa. Askøy jeger og fisk hadde stand der vegen bøyer rundt, og der De Zee Ploeg minnepark er.

Vi gjekk løypa videre og skunda oss ned til kaien ved torpedo-batteriet.  Det sto ein liten kanon klar på kaien, og kort tid etter var det stor spenning medan vi venta på salutten – og jammen var det smell! Då kruttrøyken hadde lagt seg, såg vi at kanonen hadde flytta seg mange meter bakover på kaien. Artig for store og små som så det, og garantert til å høyre utover eit stor område, både på land og utover fjorden.

Etter salutten hadde vi tid til å roe oss ned og sjå på krabbene som var i kummen, her kunne vi også ha kjøpt med oss krabbe, både kokt og levande.

Torpedobatteriet var også ope, og det er spennande å få gå inn i dette tidlegare militære anlegget. Her låg det torpedoar og missiler i mange storleikar, merka med dummy, heldigvis utan sprengstoff, men med ledningar, bolter, propeller og andre merkelege innretningar. Her kan ein gå rundt lenge og la seg fascinere.

Etterpå gjekk vi også inn i ein fjellhall der store kontainare hang fritt og tungt frå taket, for ikkje å gå istykker om det kom ein stor spreng som ryste bakken. Inni desse var det både soveplass, komandosentral, overvaking og alt som trengtes under den kalde krigen.

Vel ute i sola igjen gjekk vi opp til Herdla fuglestasjon der dei var i gong med å merke fugl. Vi fekk sjå fugler på nært hald, og fekk fortalt korleis ein gjer når ein målger, veger og ringmerker fugler. Dette var populært, og mange stoppa opp også her får å sjå og høyre.

Vidare var det både Vikingaktivitetar ved Askøy vikinglag, og målgang og innlevering for Askøy turlag sin rebus.

Vi og svært mange andre hadde ein flott Aktivitetsdag på Herdla fort. Tusen takk til arrangørane Herdla museum og alle samarbeidsparane Herdla fuglestasjon, Askøy turlag, Askøy diskogolfklubb, Askøy kommune, kulturavdelinga, Gone paddling, Herdla forts venner.

Inngongen til Herdla fort med aktiviteter og tur

Hallen med flyet GUL 16, som i år er basen for Herdla museum. Like ved skal nye Herdla museum reise seg i løpet av vinteren

Askøy jeger og fisk på post

Herdla fuglestasjon

Måling, veging og ringmerking

Kjekt å sjå fuglane på nært hald

Inne i fjellet. Desse storekontainarane heng frå taket

Kanon inne i fjellet

Torpedo

Mykje spenande å sjå på inne i Torpedobatteriet

Heldigvis er dei utan sprengstoff

Krabbe på kaien

Kanonen

Lunta er tent og Gunnar spring i dekning

Skal sei det smalt!

Askøy vikinglag lot publikum prøve pil og boge

Og sjølvsagt var det kafe

Herdlavalen

Kanaldagane ved Kulleseidkanalen

Kanaldagane gjekk i år som tidlegare år av stabelen første helga i september, i år var datoene fredag 2. september til søndag
4. september.

Kanaldagane vart starta i 2002 som ein del av Kystsogevekene – og eldsjeler i bygda slo seg saman for å laga ei maritim messe som skulle femna vidt i Sunnhordland. Kanaldagane skulle fremja gammal og moderne kystkultur langs kysten vår. Området rundt Kulleseidkanalen er eit marknadsområde med mange ulike utstillarar og alle slag god underhaldning, og flotte båtar langs kanalsidena.

I år sto humorfiguren Bømlingen for opninga av Kanaldagane på fredag 2. sepember, og laga derfor song med musikkvideo til Kulleseidkanalen. 

Vi  var til stades lørdagen på Kanaldagane, og kom eit stykke utpå dagen, då var også sola på plass, og Finnås viste seg frå sin gode side. Kulleseidkanalen, veteranbåtane, utstillarboden, framfor scena og heile området i var bada i sol.

Vi kom akkurat i tide til å få med oss koret Voice of Joy som song frå scena. Det var også tid for litt mat, og vi fekk oss deilige heimelaga vårrullar frå ein av salsbodane.

Det var mange flotte båtar som låg langs kanalkanten, og det var kjekt å gå og rusle å sjå på båtane og folkelivet på heile området. Bømlo kystlag var sjølvsagt også på plass, og hadde dessutan besøk frå Halsnøy historiske senter, som hadde med seg dampmaskin og andre motorar med godlyd.

Hovudattraksjonen denne dagen var Mathea Mari, ungjenta på 16 år som er kjent frå både Norske talenter, MGPjr med #online, musikalen Annie på Folketeateret i Oslo, og fleire ganger på TV.

På Kanaldagane var også heile filmen om Melkevik gard vist, ein film som viser gamle bilete og fortel historia  Melkevik frå kommunesenter til turistmagnet.

Vi skulle heile vegen heim til Bergen igjen, og fekk ikkje med oss alt av program. Vi var likevel innom på Telegrafen før vi tok fatt på heimvegen. Telegrafen som vart bygd i 1857, er ein fisketelegrafstasjon i Søndre Vårsildfiskedistrikt. Vi hadde høve til å gå inn og sjå oss omkring, og såg telefonar av mang årgangar, kjekt å få vite meir om Historia til Kulleseidkanalen.

Takk for flotte Kanaldagar til messegeneralen og hans mannskap, som alle er knytt til lag og organisasjonar i Finnås: Finnås Sportsklubb, Bømlo Sportsdykkere, Våge skulemusikklag, Trekløveren Grenda Ungdomslag, Bømlo Kystlag og Finnås Bedehuslag.

Vakre båtar langs kanalkanten

Kum med fisk og sjødyr. Kjekt å sjå på nært hald

Kulleseidkanalen gjestehamn var full av både båtar og bubilar.

Husflidslaget var på plass

Trearbeid for sal

Skirnir

Flott med båtar i kanalen

Inne i Telegrafen

Fleire båtar i kanalen

Mathea-Mari

Messeområdet

Båtmotorar som Halsnøy historiske senter hadde med

Publikum framfor scena

Gode drikkar

Prat og diskusjon ombord i ein av båtane

Utstillar

Bømlo kystlag sin Sørvåg

Telefonkiosken

Trafikk både ut og inn i kanalen

Under brua

Voice of Joy

Vårrullar

 

Open haustdag på Sunnhordland museum

Det var regnfullt og vått då Sunnhordland museum hadde open temadag i Sunnhordlandstunet lørdag 3. septmber. Tema for dagen var Monster i havet.

Vi kom til Sunnhordland museum  midt i ein voldsom regnbyge, og det var berre å komme seg i hus. Diverre var vi litt for seine til å få med oss foredraget til forsker på Havforskningsinstituttet Lene Buhl-Mortensen om plast og søppel i havet. Plast i havet er eit stort problem som vi står overfor i global målestokk.

Plasten er «Monsteret i havet» som vi ikkje blir kvitt, og det var i dette høvet også laga ein liten barneforestilling om dette, for høvet plastmonsteret, med dramatiske fortellingar frå Orknøyane og Noreg om monster i havet.

Sunnhordland museum hadde også to ustillingar, med tema plast, hav, bruk og kast og mer varige gjenstander i både positiv og negativ forstand. Plast er lett lage, bruke og kaste, med vert brutt ned svært sakte.

Utstillinga Plast er bruk og kast viser bruksgjenstandar i frå gamle dagar, og frå vår tid. Materiala før var gjerne tre, medan vi no til dags brukar plast, som tresko før og Crocs no, eller ein rosemalt trebomme til flatbrød før, medan vi i dag nyttar Tupperware. Tradisjonelt har gjerne ting vore vanskeligere å lage, og dermed hatt høgare kvalitet, gjerne av naturlege materialer, og med mykje lengre brukstid og som vart reparert før den til slutt vart utstitt, og som dessuten som brytest ned når gjenstanden er utslitt. Dette var ein tankevekkande og talande utstilling.

Det var også ein kunstutstilling som tidlegare har vore på Halsnøy Kloster, «Weaving Ghosts» («Vevde skrømt») av Lois Walpole frå Shetland. Dette er kunstverk og skåler som er vevde av plasttau ho har funne i strendene på Shetland. Kan hende noko som har drive i land frå oppdrettsanlegg i Sunnhordland?  Utstillinga vert å sjå på museet i heile oktober.

Stord Husflidlag hadde formingsaktivitetar som å lage leiker av utslitte moderne bruksting. Det var også flatbrødbakst der vi fekk smaksprøver med heimelaga smør på. Det vart også vist fram teknikken å lage skikkeleg tresko på gamlemåten.

Det var også utandørs aktivitetar for borna, med barkebåtdam og rognebærskyting «Pust i påsen», og i ein av stovene kunne vi lage haustkrans. Det var sjølvsagt også kafe, med vaflar, kaffi og saft, slik at folk kunne sette seg ned for ein prat også på open dag.

Vi hadde ein kjekk og på Sunnhordland museum. som også kan hende bidreg til at folk tenkjer litt meir miljøvennleg, både når det gjeld bruk og kast, handverk som gjev kvalitetsprodukt og ein meir bevisst haldning til å kaste frå seg plast i natur og hav,

Tusen takk til arrangørane Sunnhordland museum og samarbeidspartane Stord Husflidslag og SIM, og alle folka som bidrog til å gje publikum ein kjekk dag og tankevekkande dag for miljøet!

Dei fleste trakk i hus då styrtregnet kom

Vevd plast frå havet

Plast er kast, andre materieler held seg lenger, sjølv om plasten er nesten umulig å bli kvitt

Vakre broderi med klar tekst – geriljabroderi

Vått i Sunnhordlandstunet

Barkebåtar i seilas på stille hav

Gjenbruksleiker

Flatbrødbakst

Programmet for Open dag

Treskomakar Hans Anderssen

Folk har flykta inn i husa i regnet som kom denne lørdags føremiddagen